(۲)
گئی زمین پر ایک زرعئی کالونی قائم کی جائے تا کہ عیسائی مذہب والوں کے لئے کالونی کے ساتھ ساتھ ان کے ذریعے غیر آباد زمین کو بھی آباد کیا جائے۔ اس زرعئی کالونی کا نام’’ سینٹ ایذیڈور ‘‘تجویز
کیا گیاجو بعد ازاں ’’پادری جو گوٹھ‘‘ کے نام سے مشہور ہوا۔’’ سینٹ ایذیڈور ‘‘ عیسائیوں کے نزدیک زرعئی معاشرے کی علامت ہیجو 560ء میں اسپین کے شہر Sevillie میں پیدا ہوا۔وہ خود بھی
ہاری پیشے سے تعلق رکھتا تھا۔ بعد ازاں مذہب کی طرف راغب ہوا۔۔پھر وہ اسپین کے چرچ کی قانون ساز کونسل کا صدر بنا۔ اس نے 636ء میں وفات پائی۔ ہر سال 4؍ اپریل کو گندم کی کٹائی کے
موقع پر گوٹھ کے لوگ اس کا مجسمہ اٹھا کر اور فصلوں میں گھوم کر اس کی عید مناتے تھے۔
نومبر 1938ء میں حیدر آباد سے پادری(فادر) ہرمس کو باقاعدہ رہائش کے لئے بھیجا گیا۔ کچھ دن بعد فادر ٹوبائس بھی پہنچ گیا۔ فادر ٹوبائس خود کوڈر پکڑ کر عیسائی ہاریوں کی تجویز کردہ گوٹھ کو بنانے میں مصروف ہو گیا۔ جبکہ فادر ہرمس گوٹھ کے مذہبی معاملات کو سنبھالنے لگا۔ انہی دنون سب سے پہلے جو عیسائی خاندان یہاں آباد ہوا وہ پگ سنگھ چئیرمین کے نام سے لا کر آباد کیا گیا۔ جن میں گنگو ، سلطان پیٹر ، طفیل وغیرہ کے خاندان شامل تھے۔ ان میں بونافاس ولد گنگو کا نام پیدائش کے رجسٹر میں پہلا نام ہے۔ اس لئے کہ وہ پہلا بچہ تھا جو یہاں پیدا ہوا۔ پورا خاندان درزی کا کام کرتا تھا۔ اس طرح 1938ء میں سینٹ ایذیڈور گوٹھ کی بنیاد رکھی گئی۔ بعد ازاں فیصل آباد ،ٹوبہ ٹیک سنگھ وغیرہ سے تعلق رکھنے والے خاندان آباد کئے گئے۔ سب سے پہلے یہاں ڈاکوؤں کے بنگلے کی مرمت کر کے چرچ تعمیر کیا گیا۔ اپریل 1939ء میں ایک نئی طرز کا چرچ اور کاہنوں کی رہائش گاہ تعمیر کی گئی۔ اس طرح سینٹ ایذیڈور باقاعدہ گوٹھ بن گیا۔ اس کے ساتھ ہی بھینسوں، گائیوں،بیلوں اور گھوڑوں کا باڑہ بنایا گیا۔ جو پادریوں کی ملکیت تھا۔ سینکڑوں کی تعداد میں یہ مال مویشی صبح سے ہی جنگل میں چلے جاتے اور سورج غروب ہونے سے پہلے ہی واپس آ جاتا۔اس کے بعد اور زمین خریدی گئی۔جہاں اور خاندان آ کر آباد ہوئے۔جن میں اکثریت ہاریون اور مزدوروں کی تھی۔ نہون نے قریبی زمینداروں کی نوکری کر لی۔ اس وقت گھر کے اخراجات کے لئے کھانے پینے کی چیزیں مشنریوں کی طرف سے دی جاتی تھیں۔چند ماہ بعد گوٹھ میں ایک چھوٹی ڈسپنسری بھی کھولی گئی۔ جس کے لئے کراچی سے نرسوں(راہبات) کو لایا گیا۔ جو اصل میں پنجاب سے تعلق رکھتی تھیں۔ ان میں سے ایک نرس(راہبہ) اپنے پیشے میں کافی مہارت رکھتی تھی۔ ان کے دو تین سال بعد پرائمری سکول کی بنیاد رکھی گئی اس طرح گوٹھ میں تعلیم کا آغاز بھی ہوا۔ ماسٹر جیمز اور مسز مریم پہلے استاد تھے جو گھر گھر میں خاص طور پر لڑکیوں کو تعلیم دیتے تھے۔ 1941-42ء میں مکھی کی دیہہ باکھوڑو سے اوپر کی طرف دیہہ کھڈواری میں 800 ایکڑ زمین خریدی گئی۔ جہاں آج کل ریٹائرڈ فوجیوں کے چکوک بھی آباد ہیں۔ انہوں نے جنگل کو صٓف کرنا شروع کیا تاکہ کپاس کی بوائی ہو سکے۔ مکھی سے لے کر کھڈواری تک لکڑی کے بڑے بڑے منڈھ تھے۔ان کے ساتھ ہی پانی کی جھیلیں تھیں جن مں لئی۔کھبڑ
سرنھن جیسی جھاڑیوں میں سانپ کنڈلی مارے بیٹھا ہوتا۔ ہاریوں کا پہلا کمدار اروی شاہ پنجاب سے آیا۔ جس نے اس کام کی ذمہ داری لی۔ اس کے بیٹے ضیاء نے اپنی پوری زندگی گوٹھ کے مشنری پرائمری سکول میں بچوں کو تعلیم دینے میں گزاری۔ اس وقت شائد ہی آس پاس کے علاقے میں کوئی سکول ہو۔ اسکول میں پہلی خاتون ٹیچر مسز مریم تھی۔ بعد میں ماسٹر جیمز نے اس کام میں حصہ لیا۔
جو ڈلوال مشنری اسکول سے تعلیم حاصل کر کے آیا تھا۔ کچھ عرصے بعد پوسٹ آفس بھی کھل گیا جو آج تک چل رہا ہے۔ یہ پورے علاقے میں پہلا پوسٹ آفس تھا۔ شروع شروع میں زمینوں پر جانے کے لئے پادری اکثر گھوڑا استعمال کرتے تھے۔ جبکہ گوٹھ میں پیدل چلتے تھے۔ جانوروں کا دودھ ہاریوں میں تقسیم کر دیا جاتا ۔ اس کے ساتھ ساتھ عیسائی مذہب کا پرچار بھی جاری تھا۔ فادر ٹوبائس کسی باہر کے آدمی کو گوٹھ میں داخل ہونے کی اجازت نہ دیتا تھا۔ کتاب In the land of Sindhid and Balochis کے مطابق 1941-42 ء میں علاقے میں فساد برپا ہوا۔ کیونکہ یہاں حروں کی اکثریت تھی جو انگریزوں کے مد مقابل تھے۔ 1942ء میں ریلوں کی پٹڑیوں کو نقصان پہنچایا گیا۔ گوٹھوں اور فصلوں کو آگ لگا دی گئی۔ اس دوران سرحدی گوٹھوں کے رہنے والوں کو سورج غروب ہونے کے بعد گھروں سے باہر نکلنے سے منع کر دیا گیا۔ اور دن کو بھی اپنی زمینوں پر باہر رہنے پر پابندی لگائی گئی۔ راستوں پر پولیس اور فوج کا پہرہ تھا جو لوگوں کو گھروں سے اندر باہر جانے سے روکتا تھا۔ پوری گوٹھ پر خوف چھایا ہوا تھا۔ خود پادری صاھبا ن گوٹھ کے ساتھ باہر زمین میں سرنگیں بنا کر رہتے تھے۔ بہر حال بعد میں حکومت نے گوٹھ کے لوگوں کے باہر جانے کے لئے پاس بنا کر دئیے۔ پہلے پادری جو گوٹھ کے آس پاس رہنے والے جمالی ، لغاری اور ارائیں ذات کے لوگوں کو اٹھا کر فوج اور پولیس نے اس گوٹھ کی حدود میں بٹھایا تاکہ ان کی حفاظت آسانی سے کر سکیں۔ ماڑوؔ نام کا ایک چوکیدار بھی بھرتی کیا گیا جس کو مشنری تنخواہ دیتے تھے۔ وہ رات کو لٹھ اور لالٹین لے کر گلیوں میں گھومتا رہتا۔ ان حالات میں گوٹھ کی ڈسپنسری کی نرسوں (راہبات) کو واپس کراچی بھیج دیا گیا او رڈسپنسری عارضی طور پر بند کر دی گئی۔ 1943ء میں حالات کی سنگینی کو دیکھتے ہوئے تھرپارکر کے کلکٹر کی طرف سے گوٹھ چھوڑنے کے لئے ایک خط بھیجا گیالیکن لوگوں نے انکار کر دیا۔ اس دوران زمین میں مزید کاشت بھی نہ کی گئی۔ بہر حال حروں نے گوٹھ پر کبھی بھی حملہ نہیں کیا۔
1943ء میں حکومت نے مکھی کے باقی علاقے کو صاف کر کے ریٹائیرڈ فوجیوں کی کالونیاں آباد کرنے کا فیصلہ کیا۔ پادریوں نے بھی چاہا کہ ان کی گوٹھ با کھوڑو سے دیہہ کھڈواری میں کالونیوں کے ساتھ شفٹ کی جائے پر فادر ہرمس جو مشنری انچارج تھا بیمار ہو گیا اور 15؍ فروری 1944ء میں وفات پائی۔ جس کی جگہ دوسرا پادری گارڈین آیا۔ اور یہ منصوبہ بیچ میں ہی رہ گیا۔ دسمبر1944ء میں مشنریوں نے تمام لوگوں کا خرچ برداشت کرنے سے جواب دے دیا۔ جس کی وجہ سے کچھ لوگ گوٹھ سے چلے گئے۔ 1945ء میں جب نئی کالونیاں قائم ہوئیں تو گوٹھ کو یہی 800 ایکڑ کھڈواری والی زمین دی گئی جو گوٹھ کے چھوٹے کھاتیداروں میں تقسیم کی گئی۔ زمین میں جنگل عام تھا اسلئے مشنریوں نے اپنے خرچ پر اسے صاف کرنے کا ذمہ لیا۔ اور اس پر اٹھنے والا خرچ چھوٹے کھاتیداروں سے پانچ سال میں وصول کرنے کا فیصلہ کیا۔ اسی دوران ایک نوجوان پادری برادر ہوم لیس بھی پہنچ چکا تھا جس نے آگے چل کر ایک نئی منصوبہ بندی کے تحت گوٹھ کو مثالی بنانے کی بنیاد رکھی۔ اسی دوران ایک ایسا پادری بھی آیا جو صبح سویرے چلتا اور جہاں چاہے سو رہتا۔ مگر وہ جلد ہی واپس چلا گیا۔ برادر ہوم لیس کے آنے سے گوٹھ میں دوبارہ سماجی سرگرمیوں کا آغاز ہوا اور مزید خاندان ہاریوں کا کام کرنے لگے۔ گوٹھ کے مقامی لوگوں میں لوہار ، ترکھان بھی پیدا ہو گئے۔ اسی دوران پاکستان وجود میں آیا اور 1947ء میں سانگھڑ پہلی دفعہ ضلع بنا جو 1949 ء میں اور آخرکار 1953ء میں مکمل ضلع قرار دیا گیا۔
سال 1947-48ء گوٹھ کے لئے اہم رہا۔ جب اس وقت کے پادری فیلکس ،جو خود بھی انجنئیر تھا ،نے نیا چرچ Saint Isidor ،پادریوں کی رہائش گاہ Parish House ڈسپنسری، راہبات کے لئے رہائش گاہ کو باقاعدہ ڈیزائن کے مطابق تعمیر کرنا شروع کیا۔ اس طرح پادری جو گوٹھ کے لئے ایک نئی تاریخ رقم ہوئی۔ دور و نزدیک کے علاقوں میں مشہور ہوگیا کہ 1949ء میں ایک خوبصورت