(۲)
الغرض ! ہنسنا اور قوم کی ترقی کا چولی دامن کا ساتھ ہے۔ چاہے کہیں علم ہو یا نہ ہو، ہنسنا وہاں بھی اپنا جھنڈا گاڑ دیتا ہے۔ چاہے طبقہ پڑھے لکھے لوگوں کا ہو
یا جاہل افراد کا ، سماج کی ترقی میں ہنسی ایک زبردست قوت رہی ہے۔
ہنسنے سے دماغی اور جسمانی فوائد بھی حاصل ہوئے ہیں۔ کہا جاتا ہے کہ ہنسنا صحت کے لئے مفید ہے۔اس سے دماغ اور جسم پر مفید اثر پڑتا ہے۔ ہنسنا
ایک طرح کی مالش ہے۔ جس سے پھیپھڑے ، دل،جگر ،آنت وغیرہ سب متحرک ہو جاتے ہیں۔ چناچہ اکثر ادھیڑ عمر کے آدمی کم ہنستے ہیں اس لئے بھی
ان کی صحت خراب رہتی ہے۔ احساسِ کمتری کو برتری میں تبدیل کرنے کے لئے ہنسنا جتنا کارآمد ہے شائد ہی کوئی تحریک اتنا اثر کرتی ہو۔ اس سے ذہن
کی کمزوریوں کی تلافی ، خود داری کے احسااس سے ہو جاتی ہے اور خود اعتمادی برقرار رہتی ہے۔
سنجیدگی کائنات کی ازلی اور ابدی خصوصیت ہے اور اس سنجیدگی کے طلسم کو توڑنے کے لئے ہنسی کا عمل ، عمل میں لایا جاتا ہے۔ خوش قسمتی سے قدرت
نے انسان کو ایک ایسی قوت بھی بخش دی ہے کہ وہ کائنات کی خوفناک سنجیدگی پر مسکرا کر یا قہقہہ لگا کر اپنی دیوانہ وار پیشقدمی میں دھیما پن پیدا کر سکتا ہے
تاکہ مشین کی مانند فطرت کے اشاروں پر ناچتا نہ چلا جائے۔
اگر ماں کا تبم بچے کو مزید انہماک کی ترغیب دیتا ہے تو ہنسی ایک عاقل و بالغ کو اپنی سنجیدہ کاوشوں اور جذباتیت سے سینچتی ہوئی کاوشوں پر نظر ڈالنے کا موقع
فراہم کرتی ہے۔ مشہور لطیفہ ہے کہ کسی نے ہائیڈروجن بم کے بارے میں آئن سٹائن سے اس کے خیالات دریافت کئے تو اس نے مسکرا کر جواب دیا،
’’ہائیڈروجن بم سے ہماری زمین کے تباہ ہو جانے کا قطعاٌ کوئی امکان نہیں اور بالفرض اگر تباہ ہو بھی گئی تو اس سے اتنی بڑی کائنات میں قطعاٌ کچھ فرق نہیں
پڑے گا۔‘‘
پس ! تبسم ، مسکراہٹ ، ہنسی اور قہقہہ ہی ہمیں اس سنجیدہ کائنات میں زندہ رکھنے کے ذمہ دار ہیں۔ اور یہی زندگی کو قابلِ برداشت بناتے ہیں۔
ہنری برگساں اپنی کتاب ’’لافٹر‘‘ Laughter کے صفحہ نمبر 77 پر لکھتے ہیں( ترجمہ : ہنسو تو ساتھ ہنسے گی دنیا ، بیٹھ اکیلے رونا ہوگا) یہ مثل اس بات کا
بین ثبوت ہے کہ مزاح کے طفیل انسان اور انسان کے مابین ایک ناقابلِ شکست رشتہ معرضِ وجود میں آتا ہے۔ عام زندگی میں بھی دیکھئیے تو ہنسی ایک
متعدی بیماری کی طرح پھیلتی ہے۔ اور جہاں چند لوگ ہنس رہے ہوں وہاں راہگیر بے جانے بوجھے بھی ان کی ہنسی میں شریک ہونے پر مجبور ہو جاتا ہے۔
گویا ہنسی افراد کو باہم مربوط ہونے کی ترغیب دیتی ہے۔
سوسائٹی کی لکیر سے بھٹکے جو لوگ اس کا مذاق اڑاتے اور اس پر ہنستے ہیں تاکہ وہ اپنے کئے پر رنج و ندامت محسوس کرتے ہوئے پھر سے اس لکیر میں
شامل ہو جائے۔اس طرح ہنسی ایک ایسی لاٹھی ہے جس کے ذریعے گلہ بان محض غیر شعوری طور پر اس فرد کو دوبارہ گلے میں شامل کرنے کی کوشش کرتا
ہے جو کسی وجہ سے سوسائٹی سے بچھڑ جاتا ہے۔گویا ہنسی ایک ایسا آلہ ہے جس کے ذریعے سوسائٹی اس فرد سے انتقام لیتی ہے جو سوسائٹی کے اصولوں سے
بچ نکلنے کی سعی کرتا ہے۔ ہنسی کے ساتھ عضویاتی مظاہر بھی شریکِ کار ہوتے ہیں۔ آرتھر کوئسلر کا کہنا ہے کہ :
’’خیالات و احساسات ایک خوبصورت تصویر دیکھ کر یا ایک اعلیٰ نظم پڑھ کر ہمارے دلوں میں ضرور متحرک ہوتے ہیں۔ لیکن ایسا خاص عضویاتی مظاہرہ
پیدا نہیں ہوتا جو ہنسی کے وقت معرضِ وجود میں آتا ہے۔اور یہ چیز محض ہنسی سے مخصوص ہے کہ انسان ایک لطیفے کو سن کر یا پڑھ کر اپنے جذبات و
احساسات کا نمایاں انداز میں اظہار کرتا ہے۔ ہنسی کے بارے میں ڈارونؔ یوں رقم طراز ہے :
’’ ہنسی کے دوران منہ کھل جاتا ہے اور ہونٹوں کے کنارے پیچھے اور اوپر کی طرف ہٹ جاتے ہیں۔اسی طرح اوپر والا ہونٹ قدرے اور اوپر کو اٹھ جاتا ہے
اور شدید ہنسی کے دوران تو سارا جسم کانپنے لگتا ہے۔ سانس میں نا ہمواری پیدا ہو جاتی ہے اور آنسو بہہ نکلتے ہیں،‘‘
(Charles Darwin Expression of emotions p- 208-214)
پروفیسر سیلیؔ نے اپنی کتاب (Enjoyment of coughter)میں ہنسی کے تدریجی ارتقاء پر روشنی ڈالتے ہوئے خفیف تبسم، مسکراہٹ اور قہقہے کو
ایک ہی کیفیت کے تین مختلف مدارج قرار دیا ہے۔ جے۔وائی۔گریگ(J.Y.T.Greig) لکھتا ہے:
’’دروازہ پر سے چھلانگ لگانے یا بندوق کی لبلبی دبانے سے ذرا قبل آپ ایک لمبا سانس لیتے ہیں اور پھر اسے اپنے سینے میں روکے رکھتے ہیں۔ ہنسی کے وقت بھی
آپ اسی طرح ایک لمبا سانس لیتے ہیں مگر اسے روکنے کی بجائے آواز کے چھوٹے چھوٹے تیز دھماکوں کی صورت میں خارج کر دیتے ہیں۔‘‘

(۳)
(J.Y.T.Greig - The psychology of Lavghter comedy - p - 214)
بیسویں صدی کے آغاز سے قبل انسانی فکر کی تاریخ میں مزاح کے مسئلے پر دو نہایت دلچسپ نظرئیے ملتے ہیں۔ ایک نظریہ تو یونانؔ کے مفکرِ اعظم ارسطوؔ
اور تیرھویں صدی کے انگریز مفکر تھامس ہابز کا ہے ۔انہون نے ہنسی کی توضیح کرتے ہوئے لکھا ہے کہ ’’ہنسی کسی کمی یا بد صورتی کو دیکھ کر معرضِ وجود میں
آتی ہے۔ جو درد انگیز نہ ہو۔‘‘
دوسرا نظریہ جرمن فلاسفر عمانوئیل کانٹ کا ہے جسے شوپنہار نے اپنے نظرئیے میں سمو یا ہے، جو یہ ہے۔
’[ہنسی کچھ نہیں سوائے اس جذبہء افتخار یا احساسِ برتری کے جو دوسروں کی کمزوریوں یا اپنی گذشتہ خامیوں کے تقابل کے باعث معرضِ وجود میں آتا ہے۔
(Hobbes - Human nature in works(Molesworth - 1840 vol iv p - 46)
ہابز(Hobbes) کا نظریہ در اصل ایک اخلاقی نظریہ تھا،جس کا سہارا لے کر اس نے اسی بات پر زور دیا کہ ہر وہ ہنسی غیر اخلاقی ہے جو دوسروں کی توہین
کرے۔ گویا ہابز ؔ کا نظریہ اس زمانے کے اخلاق کی نمائندگی کرتا ہے، جہاں اچھی سوسائٹی میں بلندآواز سے ہنسنا معیوب سمجھا جاتا ہے۔
اعمانوئیل کانٹ کے نظریہ کے مطابق ہنسی اس وقت نمودار ہوتی ہے جب کوئی چیز ہوتے ہوئے رہ جائے، اور ہماری توقعات اچانک ایک بلبلے کی طرح پھٹ
کر ختم ہو جائیں۔ شوپنہارؔ بھی قریب قریب اسی نظریہ کا علمبردار ہے۔ ۔اس کے مطابق ہنسی ، تخیل اور تحقیق کے مابین نا ہمواری کے وجود کو اچانک محسوس
کر لینے سے جنم لیتی ہے۔جتنی خلافِ تقوع یہ نا ہمواری ہوگی اتنی ہی شدید طور پر ہنسی بھی نمودار ہوگی۔
میکسؔ ایسٹ مین (Max Eastman) نے ارسطوؔ اور کانٹؔ کے بظاہر متضاد نظریات کی تشریح یوں کی ہے۔
’’بچے کو ہنسانے کے دو آسان طریقے ہیں۔ پہلا تو یہ کہ آپ ہنسیں اور جب بچّہ آپ کی طرف متوجہ ہو جائے تو اپنی صورت خوفناک بنائیے جسے دیکھ کر
بچّہ ہنس دے گا ۔سرکس کا مسخرہ بھی انہی دونوں طریقوں سے تماشائیوں کو ہنساتا ہے۔
بیسویں صدی کے آغاز سے قبل مزاح کے مسئلے پر ہربرٹ اسپنسرؔ (Herbert Spencer) جوزف ایڈیسن (Joseph Addison) الیگزینڈر بین
(Alexander Bain) اور پروفیسر لپسؔ (Prof. Lipps) جیسے مفکرین نے اپنے خیالات کا اظہار کیا ہے۔
پروفیسر سیلیؔ نے اپنے معرکتہ الآرا تصنیف ( An Essay on Laucnter) میں ہنسی کی وجوہ میں گدگدی ، انتہائی مسرت اور عملی مذاق وغیرہ کو
خاص اہمیت دی ہے۔ انہوں نے ہنسی اور کھیل میں قرابت پر خاصا زور دیا ہے اور ہنسی کے اجزاء میں بچے کی سی مسرت آمیز حیرت اور کھیل کی طرف نمایاں
رجحان کو مقدم جانا ہے۔
پروفیسر سیلیؔ کی کتاب کے بعد دو مزید کتابیں سامنے آئیں یعنی میزی برگستاںؔ کی کتاب (Laughter) اور سگمنڈ فرائڈ کی کتاب (Wit and its
relation to the unconscious) ہنری برگساں ؔ نے ہنسی کو خالص ذہنی عمل قرار دیا ہے اور کہا ہے کہ جذبات مثلاٌ ترحم کے جذبات
کی ہلکی سی رَو بھی اسے ختم کر دیتی ہے۔
مشہور ماہرِ نفسیات سگمنڈ فرائڈؔ نے وِٹ (Wit) کو تجرباتی مطالعہ کے لئے منتخب کیا،کیونکہ اس کے باعث نظریہ لا شعور پر روشنی پڑ سکتی ہے۔ فرائڈؔ نے
مزاح کی چار صورتیں پیش کی ہیں ،بے ضرر لطائف ، افادی لطائف ، مضحکہ خیز اور خالص مزاح۔
فرائڈؔ کے مطابق بے ضرر لطائف سے ایسی مسرت کا حصول ہے کہ انسان ان میں کھو کر واپس اپنے بچپن کے ماحول میں پہنچ جاتا ہے۔ افادی لطائف ان
جنسی یا تشّدد آمیز خواہشات کو آزاد کرتے ہیں جو عام زندگی میں ماحول اور سوسائٹی سے ہم آہنگ نہ ہونے کی صورت میں دبائی جا چکی ہیں۔ مضحکہ سے حصولِ
مسرت کے کے متعلق فرائڈؔ نے لکھا ہے کہ یہاں مسرت قوتِ تخیل میں بچت سے پیدا ہوتی ہے۔ یعنی کسی کام کو کرنے کے لئے جتنی قوت درکار ہو وہ کام
اس سے کم قوت کے باعث انجام دیا جا سکے اور فاضل قوت ہنسی کی صورت میں بہہ نکلے،’’کھودا پہاڑ نکلا چوہا‘‘ اس کی بہترین مثال ہے۔
آخر میں فرائڈؔ نے خالس مزاح کا ذکر کیا ہے اور اس سے حصولِ مسرت کو قوتِ جذبات میں بچت کا نتیجہ قرار دیا ہے، مثلاٌ ایک شخص کسی مصیبت میں ہو اور
دوسرا اس سے ہمدردی کرے لیکن اس کی ہمدردی کے باوجود پہلا شخص اس کی کسی بات سے محسوس کرے کہ وہ شخص اپنی ہی مصیبت کا مذاق اڑا رہا ہے تو
وہ بھی اس کا ہم نوا بن جاتا ہے اور پہلے کے لئے جمع شدہ ہمدردی میں جو بچت پیدا ہوتی ہے وہ ہنسی کی صورت میں بہہ نکلتی ہے۔