مسیح کی اشتعال انگیز تصاویر والی کتب ضبط

اس تصویر کی اشاعت پر عیسائی برادری نےغم و غصہ کا اظہار کیا ہے
بھارت کی ریاست میگھالیہ میں حکومت نے ان کتابوں کو ضبط کر لیا ہے جن میں حضرت عیسٰی کی ایک ایسی تصویر شائع کی گئی ہے جس میں ان کے ہاتھ میں سگریٹ اور بیئر کا ڈبہ ہے۔

یہ کتابیں سکول کے ابتدائی نصاب کے لیے تھیں۔

میگھالیہ میں تقریبا ستّر فیصد لوگ عیسائی مذہب کو ماننے والے ہیں اور بہت سے لوگوں کو اس سے تکلیف پہنچی ہے۔

ریاست کے وزیر تعلیم امپرین لنگدوہ نے کہا ہے ان کتابوں کے ناشر کے خلاف کارروائی پر غور کیا جا رہا ہے۔ کتاب شائع کرنے والی دلی کی کمپنی سکائی لائن نے اس پر اپنا رد عمل ظاہر نہیں کیا ہے۔

ریاستی وزیر تعلیم کا کہنا تھا کہ 146ہم سکائی لائن پبلیکشن کے خلاف قانونی کارروائی کرنے پر غور کر رہے ہیں جس نے یہ متنازعہ کتاب شائع کی ہے145۔ ان کا کہنا تھا کہ تمام کتابوں کو ضبط کرنے کے کا حکم دیا گیا ہے۔

شیلانگ کے آرچ بشپ ڈومنک جالا کا کہنا تھا 146ہمیں پبلشر کی اس طرح کی بےحسی سے بہت تکلیف ہوئی ہے۔ کوئی شخص مذہب کی اس طرح بے عزتی کیسے کر سکتا ہے145۔

بھارت میں کیتھولک چرچ نے سکائی لائن پبلیکشن کی تمام کتابوں پر پابندی لگا دی ہے۔ تنظیم کے ترجمان بابو جوزیف نے کہا ہے کہ 146ہم نے اپنے سبھی ممبر سکولوں کو احکامات دیے کہ وہ اس پبلشر کی کتابوں پر پابندی لگا دیں145۔

کیتھولک چرچ کی تنظیم نے حکومت سے مطالبہ کیا ہے کہ پبلشر کے خلاف سخت کارروائی کی جائے۔